హైదరాబాద్, బీబీఎంఏ న్యూస్:
హైదరాబాద్‌లోని హైటెక్స్‌లో నిర్వహించిన STYLETATVA ఎగ్జిబిషన్ సందర్భంగా సందర్శకులకు సైబర్ భద్రతపై విస్తృత అవగాహన కార్యక్రమం నిర్వహించబడింది. ఈ కార్యక్రమంలో TGCSB బృందం పాల్గొని ప్రజలతో మమేకమైంది.

ఈ సందర్భంగా సైబర్ నేరాల కొత్త పద్ధతులు, ఆన్‌లైన్ మోసాల నుండి రక్షణ పొందేందుకు తీసుకోవాల్సిన జాగ్రత్తలు, సురక్షిత డిజిటల్ అలవాట్లపై సందర్శకులకు వివరించారు. సైబర్ మోసాలు జరిగిన వెంటనే ఆలస్యం చేయకుండా 1930 హెల్ప్‌లైన్ లేదా cybercrime.gov.in ద్వారా ఫిర్యాదు చేయాలని అధికారులు సూచించారు.

ప్రతి ఒక్కరూ అప్రమత్తంగా ఉండటం, అనుమానాస్పద లింకులు, కాల్స్, మెసేజ్‌లను నిర్లక్ష్యం చేయడం వంటి చిన్న జాగ్రత్తలే పెద్ద నష్టాలను నివారించగలవని బృందం వివరించింది.

సైబర్ నేరాల నియంత్రణలో సాంకేతిక పరిజ్ఞానంతో పాటు ప్రజల అవగాహన కూడా కీలక పాత్ర పోషిస్తుందని, అవగాహనే అత్యంత ప్రభావవంతమైన ఆయుధమని TGCSB అధికారులు పేర్కొన్నారు.