వికారాబాద్, జూన్ 12 (బీబీఎంఏ న్యూస్):
వికారాబాద్ జిల్లా యాలాల పోలీస్ స్టేషన్‌లో జిల్లా ఎస్పీ Sneha Mehra శుక్రవారం వార్షిక తనిఖీ నిర్వహించారు. ఈ సందర్భంగా స్టేషన్ రికార్డులు, సీసీటీఎన్‌ఎస్ (CCTNS) అప్‌డేట్లు, నేరాల నివారణ చర్యలు, ప్రజలకు అందిస్తున్న సేవలపై సమగ్రంగా సమీక్షించారు.

తనిఖీలో భాగంగా కేసుల దర్యాప్తు పురోగతి, పెండింగ్ కేసుల పరిష్కారం, స్టేషన్ నిర్వహణ విధానాలను పరిశీలించిన ఎస్పీ, పారదర్శక పోలీసింగ్‌కు ప్రాధాన్యత ఇవ్వాలని అధికారులకు సూచించారు. నేరాల నియంత్రణలో అప్రమత్తంగా వ్యవహరించడంతో పాటు సమర్థవంతమైన దర్యాప్తు చేపట్టాలని ఆదేశించారు.

మహిళలు, చిన్నారుల భద్రతకు ప్రత్యేక ప్రాధాన్యత ఇవ్వాలని, రాత్రి వేళల్లో పటిష్టమైన పెట్రోలింగ్ నిర్వహించాలని సూచించారు. అలాగే ప్రజల భాగస్వామ్యంతో అమలవుతున్న సురక్షా మిత్ర (Suraksha Mitra), నిఘా నేత్ర (Nigha Netra) కార్యక్రమాలను మరింత విస్తృతంగా ప్రజల్లోకి తీసుకెళ్లాలని పోలీసు సిబ్బందికి సూచించారు.

ప్రజలకు సత్వర, పారదర్శక సేవలు అందిస్తూ పోలీస్-ప్రజల మధ్య సత్సంబంధాలు పెంపొందించేందుకు కృషి చేయాలని ఎస్పీ స్నేహా మెహ్రా పేర్కొన్నారు.